Migael (aartsengel)

Migael
Lucifer stort na die hel. Altaarskildery deur Johann Michael Rottmayr in die kasteelkapel Sint Migael in Tittmoning, Beiere (1697)
Prins van die hemelse gasheer, aartsengel, heilige
Vereer in	Rooms-Katolieke Kerk, Oosters-Ortodokse Kerk, Oriëntale Ortodoksie, Anglikaanse Gemeenskap, Lutheranisme, Protestantisme, Baha’i-geloof
Feesdag	29 September, saam met die engele Rafael en Gabriël (Rooms-Katolieke Kerk, ná 1969) 8 November (Nuwe kalender van die Oosters-Ortodokse Kerk) 21 November (Ou kalender van die Oosters-Ortodokse Kerk) 8 Mei (Tridentine Calendar) 12de van elke maan in die Koptiese kalender (Kopties-Ortodokse Kerk) baie ander plaaslike en historiese feeste en herdenkings
Attribute	Aartsengel; trap op 'n draak; dra 'n banier, skubbe en swaard
Beskermheilige	Beskermer van die Joodse volk,[1] beskermer van die Rooms-Katolieke Kerk,[2] Vatikaanstad,[3][4] siektes[5]

Migael (Hebreeus: מִיכָאֵל, Mîkhā'ēl, [mixaˈʔel], "Wie is soos God?"; Grieks: Μιχαήλ, Mikhaḗl; Latyn: Michahel; Kopties: ⲙⲓⲭⲁⲏⲗ; Arabies: ميخائيل ، مِيكَالَ ، ميكائيل, Mīkā'īl, Mīkāl of Mīkhā'īl; Afrikaans: "Hy wat soos God is") is die naam van 'n engel in die Hebreeuse oorlewering van die Tanag. Hierdie oorlewering het ook 'n invloed op die godsdienstradisies van sowel Jode as Christene gehad. In teenstelling met die Christendom het die Joodse tradisie nooit aan Migael "goddelike eienskappe" toegeskryf nie.^[6]

In die Christelike Nuwe Testament word Migael in die Openbaring van Johannes in 'n eskatologiese konteks as die verslaner van Satan uitgebeeld wat dié bose engel in die hel laat stort (Openbaring 12:7). Volgens 'n kerktradisie sal Migael op die Jongste Dag die siele van mense weeg. Sedert die Slag op die Lechveld op 10 Augustus 955 is sint Migael die beskermheilige van die Heilige Romeinse Ryk en later van Duitsland.

Migael kom sedert die 7de eeu n.C. ook in die Islamitiese Koran en in die Arabiese literatuur onder die naam Mikal of Mika'il voor.

1. ↑ (en) "Bible gateway, Daniel 12:1". Biblegateway.com. Besoek op 21 Julie 2010.
2. ↑ (en) Alban Butler, The Lives of the Fathers, Martyrs, and other Principal Saints. 12 vols. B. Dornin, 1821; bl. 117
3. ↑ "Benedict XVI joins Pope Francis in consecrating Vatican to St Michael Archangel" (in Engels). news.va. Geargiveer vanaf die oorspronklike op 9 Julie 2017. Besoek op 5 Julie 2013.
4. ↑ (en) Finley, Mitch (2011). The Patron Saints Handbook. The Word Among Us Press. p. 72. ISBN 978-1-59325-403-2. Besoek op 1 Mei 2014.
5. ↑ "St. Michael, the Archangel – Saints & Angels – Catholic Online" (in Engels). Catholic.org. Geargiveer vanaf die oorspronklike op 28 April 2020. Besoek op 27 Desember 2012.
6. ↑ (en) Max Wiener: Die Lehren des Judentums nach den Quellen. Boekdeel II, bl. 213. Nuwe uitgawe onder redaksie van Walter Homolka. München: Knesebeck 1999