Nahuatl

Nahuatl ; Nawatlahtolli, mexikatlahtolli, mexkatl, mexikanoh, mehkanohtlahtol, masewaltlahtol
Uitspraak:	[ˈnaːwatɬ]
Gepraat in:	Meksiko; El Salvador; Guatemala; Nicaragua; Kanada; Verenigde State
Totale sprekers:	1 730 000; 140 800; 500–1300
Taalfamilie:	Uto-Asteeks; Nahuan; Asteeks; Nahuatl
Skrifstelsel:	Latynse alfabet
Amptelike status
Amptelike taal in:	Meksiko
Gereguleer deur:	INALI
Taalkodes
ISO 639-1:	geen
ISO 639-2:	nah
ISO 639-3:	nhe
	Nota: Hierdie bladsy kan IFA fonetiese simbole in Unicode bevat.

Hierdie artikel handel oor die taal in Meso-Amerika. Vir die etniese groep, sien Nahua.

Nahuatl (nawa-tl, [ˈnaːwatɬ], luister (hulp·inligting), letterlik: "mooi of helder klank" en tlahtol-li "taal" of "tale") of Asteeks ([asˈteːkah]), voorheen Meksikaans (mexihkacopa, [meːʃiʔkaˈkopa], letterlik: "in die wyse van Meksika" of mexikatlahtolli, letterlik: "Mexika-taal"), is die belangrikste inheemse taal van Noord-Amerika met sowat 1,7 miljoen sprekers in die Meksikaanse deelstate Estado de México, Puebla, Guerrero, Hidalgo, Veracruz, Oaxaca, Durango, Morelos, Meksikostad, Tlaxcala, San Luis Potosí, Michoacán, Jalisco en Nayarit. Nahuatl word deur die Nahuas, voorheen een van die Meso-Amerikaanse beskawings, gepraat en is sedert 2003 'n amptelike taal van Meksiko. Die taal is tot die Spaanse verowering van Meksiko in 'n eie alfabet geskryf en sedertdien word die Latynse alfabet gebruik.

Nahuatl is veral bekend as taal van die Asteke, Tlaxcalteke en Tolteke in die huidige Meksiko, almal Nahua-volke. Tydens die Asteekse tydperk het Nahuatl as lingua franca in Sentraal-Amerika gedien. In die moderne tydperk is Nahuatl 'n natuurlike taal in El Salvador en Meksiko en word deur immigrante in Guatemala, Nicaragua, Kanada en die Verenigde State van Amerika gepraat. Hedendaags is die meeste Nahuas tweetalig met Spaans as tweede taal. Bekende Afrikaanse leenwoorde uit Nahuatl sluit avokado, chayote, sjokolade, kojote, peyote, axoloti en tamatie in.