Back بحوث العمليات Arabic Investigación d'operaciones AST Əməliyyat araşdırması Azerbaijani Операционни изследвания Bulgarian পরিক্রিয়াদি গবেষণাবিদ্যা Bengali/Bangla Investigació operativa Catalan لێکۆڵینەوەی ئۆپەراسیۆنەکان CKB Operační analýza Czech Operationsanalyse Danish Operations Research German
Operasionele navorsing (ON) is 'n multi-dissiplinêre wiskundige wetenskap wat nou verband hou met die statistiek wat hom uitgee daarvoor dat hy oplossings soek vir komplekse probleme in die werklike wêreld deur "die wetenskaplike metode" te gebruik. Vroeë definisies dateer uit die Tweede Wêreldoorlog toe wetenskaplikes uit verskillende dissiplines in meerdissiplinêre spanne saamgetrek is om "operasionele" probleme te bestudeer en oplossings aan die hand te doen. By gebrek aan bestaande metodes en tegnieke het hulle bloot die wetenskaplike werkswyse waaraan almal gewoond was, toegepas.
Hierdie eerste definisies lê dan ook klem op meerdissiplinêre spanne en die wetenskaplike metode. Hierbenewens word die gebruik van wiskundige modelle genoem.
In tyd wat sedertdien verloop het, het ON 'n eie dissipline geword waarvan bekende velde dié van LP (lineêre programmering), NLP (nie-lineêre programmering), beslissingsteorie, stogastiese (of Monte Carlo) simulasie, en stogastiese prosesse is. Onderliggend is die meeste van hierdie deelvelde van ON wiskundig van aard maar danksy hulle kragtige toepassingsmoontlikhede het hulle al 'n deel geword van kursusse in rekeningkunde en bedryfsekonomie. Hier word losstaande tegnieke soos die gebruik van die ervaringskromme aangebied onder titels soos "kwantitatiewe tegnieke". Die benadering is dan om bloot die toepassingsmoontlikhede en die algoritmes oor te dra sonder om klem op die wiskunde te lê.
ON word gekenmerk deur die gebruik van wiskundige modelle terwyl die strewe na optimaliteit dikwels teenwoordig is.