Osiris

Osiris
Osiris, god van die dooies. Sy swart-groen vel simboliseer hergeboorte.
Soort god	Egipties
God van	Die dood, hiernamaals, lewe en hergeboorte
Naam in hiërogliewe
Kultussentrum	Obydos
Simbool	Staf en dorsvleël, Atef-kroon, volstruisvere, vis, mummieverband
Ouers	Geb en Noet
Sibbes	Isis, Set, Nephthys, Haroeris
Metgesel	Isis, soms Nephthys
Kinders	Horus en soms Anoebis
Portaal    Antieke Egipte

Osiris of Oesiris was in die Egiptiese mitologie die god van die hiernamaals, die onderwêreld en die dooies. Hy is gewoonlik uitgebeeld as ’n man met ’n groen vel en ’n farao se baard, met sy bene gedeeltelik soos ’n mummie s’n toegedraai, ’n kroon met twee groot volstruisvere weerskante, ’n staf en ’n dorsvleël.

Osiris is eens beskou as die oudste seun van die aardgod Geb^[1] en die luggodin Noet, en ook as die broer en metgesel van Isis. Soms was Horus sy seun wat ná sy dood opgewek is.^[1] As heerser van die dooies is Osiris ook soms die "koning van die lewendes" genoem omdat Antieke Egiptenare die geseënde dooies as "die lewendes" beskou het.^[2]

1. ↑ ^{1,0 1,1} Wilkinson, Richard H. (2003). The Complete Gods and Goddesses of Ancient Egypt. Londen: Thames & Hudson. p. 105. ISBN 0-500-05120-8.
2. ↑ "Conceptions of God In Ancient Egypt: The One and the Many", Erik Hornung (vertaal deur John Baines), bl. 233, Cornell University Press, 1996, ISBN 0-8014-1223-4