Russiese Rewolusie (1905)

Russiese Rewolusie (1905)
17 Oktober 1905, deur Ilja Repin.
Datum 22 Januarie 1905 – 16 Junie 1907 Ligging Rusland Resultaat Rewolusionêre verslaan Nikolaas II behou die troon Oktober-manifes Grondwet goedgekeur
Strydende partye
Keiserlike regering Keiserlike weermag Okhrana Swart Honderd Russiese adel Adelsversameling	Rewolusionêre Kleinboere Fabriekswerker Separatiste Sowjet van Sint Petersburg Doema van Moskou Sosiaal-Rewolusionêre Party Russiese Sosiaal-Demokratiese Arbeidersparty
Aanvoerders
Nikolaas II Sergei Witte	Viktor Chernof Wladimir Lenin

Die Russiese rewolusie van 1905 (Russies: Революция 1905–1907 годов в России / Revoljucija 1905–1907 godov v Rossii) was ’n landwye, gewelddadige stryd wat teen die regering en die tsaar gemik was. Niemand was in beheer daarvan nie en dit het geen enkele oorsaak of doelwit gehad nie; dit was die gevolg van dekades van onrus en ontevredenheid oor die outokratiese bewind van die Romanof-dinastie en die stadige pas van hervormings in die land. Die direkte oorsaak was die onvermoë van die Russiese militêre magte in die aanvanklik gewilde Russies-Japannese Oorlog, wat ’n reeks rewolusionêre aktiwiteite aan die gang gesit het.

Hoewel die rewolusie taamlik wreed onderdruk is, het dit tog gelei tot ’n vinniger pas van hervorming in Rusland. Dit was egter nie genoeg om ’n tweede rewolusie te keer wat in 1917 ’n einde gebring het aan die Romanof-bewind nie.