Back SRGAP2 Arabic SRGAP2 ARZ SRGAP2 Catalan SRGAP2 English SrGAP2 Italian SRGAP2 Tatar SRGAP2 Ukrainian
SRGAP2 is 'n geen wat 'n belangrike rol in die sinaptiese ontwikkeling van soogdiere, en gevolglik ook van die mens speel. Hierdie geen is by neuronale migrasie en neuronale differensiasie betrokke, wat die brein se vermoeë bepaal.[1]
Die voorvaderlike SRGAP2-geen word in alle soogdiere gevind. Die mens se kopie word SRGAP2A genoem. Dit is een van 23 gene wat by die mens, maar nie in ander primate gedupliseer is nie.[2] Hierdie duplisering is waarskynlik vir die mens se verhoogde breinkapasiteit in vergelyking met die van ander diere verantwoordelik.[3]
SRGAP2 is in die afgelope 3,4 miljoen jaar al drie keer in die menslike genoom gedupliseer. Die eerste duplisering van 3,4 miljoen jaar gelede (mjg) word SRGAP2B genoem. 'n Tweede duplisering het 2,4 mjg voorgekom en word SRGAP2C genoem. 'n Finale duplisering van ongeveer 1 miljoen jaar gelede staan as SRGAP2D bekend.
Die 2,4 miljoen jaar oue duplisering (SRGAP2C) verteenwoordig 'n verkorte weergawe waaroor 100% van alle mense beskik.[4] Hierdie verkorte weergawe inhibeer die funksie van die voorvaderlike SRGAP2A-kopie, wat lei tot vinniger migrasie van neurone, die vertraging van sinaptiese veroudering en 'n verhoging in die digtheid van sinapse in die serebrale korteks.[1]
Eksperimente op muise wat met SRGAP2 ingespuit is het 'n dramatiese verandering in hulle breine teweeg gebring. Dit het die snelheid en die werking van hulle breine beduidend verhoog.[3]
- ↑ 1,0 1,1 Charrier C, Johi K, Charrier C, Joshi K, Coutinho-Budd J, Kim JE, Lambert N, de Marchena J, Jin WL, Vanderhaeghen P, Ghosh A, Sassa T, Polleux F. (Mei 2012). "Inhibition of SRGAP2 function by its human-specific paralogs induces neoteny during spine maturation". Cell. 149 (4): 923–935. doi:10.1016/j.cell.2012.03.034. PMC 3357949. PMID 22559944.
{{cite journal}}: AS1-onderhoud: meer as een naam (link) - ↑ Sudmant PH, Kitzman JO, Antonacci F, Alkan Can, Malig Maika, Tsalenko A, Sampas N, Bruhn L, Shendure J, 1000 Genomes Project, Eichler EE. (Oktober 2010). "Diversity of Human Copy Number Variation and Multicopy Genes". Science. 330 (6004): 641–6. doi:10.1126/science.1197005. PMC 3020103. PMID 21030649.
{{cite journal}}: AS1-onderhoud: meer as een naam (link) - ↑ 3,0 3,1 Did a Copying Mistake Build Man's Brain?, besoek op 3 November 2014
- ↑ Dennis MY, Nuttle X, Sudmant PH, Antonacci F, Graves TA, Nefedov M, Rosenfeld JA, Sajjadian S, Malig M, Kotkiewicz H, Curry CJ, Shafer S, Shaffer LG, de Jong PJ, Wilson RK, Eichler EE (Mei 2012). "Evolution of human-specific neural SRGAP2 genes by incomplete segmental duplication". Cell. 149 (4): 912–22. doi:10.1016/j.cell.2012.03.033. PMC 3365555. PMID 22559943.
{{cite journal}}: Onbekende parameter|laysource=geïgnoreer (hulp); Onbekende parameter|laysummary=geïgnoreer (hulp)AS1-onderhoud: meer as een naam (link)