Sango

Sango Sängö, yângâ tî sängö
Uitspraak:	[jáŋɡá tí sāŋɡō]
Gepraat in:	Sentraal-Afrikaanse Republiek  Tsjad  Demokratiese Republiek die Kongo
Gebied:	Sentraal-Afrika
Totale sprekers:	599 000 (eerste taal) 4 600 000 (tweede taal)[1]
Taalfamilie:	Niger-Kongo  Volta-Kongo   Adamaua-Ubangi    Ubangi     Sango
Skrifstelsel:	Latynse alfabet
Amptelike status
Amptelike taal in:	Sentraal-Afrikaanse Republiek
Gereguleer deur:	Instituut vir Toegepaste Linguistiek
Taalkodes
ISO 639-1:	sg
ISO 639-2:	sag
ISO 639-3:	sag
Nota: Hierdie bladsy kan IFA fonetiese simbole in Unicode bevat.

Sango (Sängö, yângâ tî sängö, [jáŋɡá tí sāŋɡō]) is 'n Kreool- of Niger-Kongo-taal wat saam met Frans die amptelike tale van die Sentraal-Afrikaanse Republiek vorm. Daarmee is die Sentraal-Afrikaanse Republiek een van min Afrikalande waar 'n inheemse taal amptelike status geniet. Sango se taalkundige status is omstrede en dit word òf as 'n Niger-Kongo-taal nou verwant aan Ngbandi òf as 'n Kreooltaal ontwikkel uit Ngbandi beskou.

Sango het sowat 599 000 moedertaalsprekers, terwyl sowat 4,6 miljoen mense dit as 'n tweede taal praat. Sango is die mees verspreide taal van die Sentraal-Afrikaanse Republiek en dien as 'n lingua franca. Daarbenewens word Sango in die aangrensende lande Tsjad en Demokratiese Republiek van die Kongo gepraat.

1. ↑ "Ethnologue: Languages of the World, Seventeenth edition, Sango" (in Engels). Ethnologue. Geargiveer vanaf die oorspronklike op 18 Mei 2020. Besoek op 28 Maart 2018.