Sinaps

Struktuur van ’n tipiese chemiese sinaps

Postsinaptiese digtheid Spannings- beheerde Ca++ kanaal Sinaptiese blasie Senuoordraer- vervoerder Reseptor Senuoordraer Akson- terminaal Sinaptiese spleet Dendriet

’n Sinaps is in die senuweestelsel ’n struktuur wat neurone (of senuselle) toelaat om elektriese of chemiese seine aan ander neurone oor te dra, en volgens sommige skrywers ook aan nieneuronselle soos dié in die spiere en kliere.^[1]

Sinapse (ten minste chemiese sinapse) word in hul posisies gestabiliseer deur sinaptiese hegmolekules (SAM's) wat uit beide die pre- en postsinaptiese neuron (seinsturende en teikenneuron) steek en aan mekaar vassit waar hulle oorvleuel; SAM's kan ook help met die generering en werking van sinapse.^[2]

Die woord "sinaps" kom van die Griekse woorde syn- ("saam") en haptein ("vasmaak").^[3][4]

Sinapse is noodsaaklik vir neuronale werking: Neurone is selle wat gespesialiseer is om seine na individuele teikenselle te stuur, en hulle doen dit deur middel van sinapse. By ’n sinaps kom die plasmamembraan van die presinaptiese neuron naby die membraan van die postsinaptiese sel. Beide die presinaptiese en postsinaptiese streke bevat die molekulêre meganismes om die twee membrane te verbind om die seinproses uit te voer. In baie sinapse sit die presinaptiese deel aan die akson en die postsinaptiese deel aan ’n dendriet of selliggaam. Astrosiete ruil ook inligting uit met die sinaptiese neurone, reageer op sinaptiese aktiwiteit en reguleer senuoordrag.^[5]

1. ↑ Schacter, Daniel L.; Gilbert, Daniel T.; Wegner, Daniel M. (2011). Psychology (2de uitg.). New York: Worth Publishers. p. 80. ISBN 978-1-4292-3719-2. LCCN 2010940234. OCLC 696604625.
2. ↑ Missler, M; Südhof, TC; Biederer, T (2012). "Synaptic cell adhesion". Cold Spring Harb Perspect Biol. 4: a005694. doi:10.1101/cshperspect.a005694. PMC 3312681. PMID 22278667.
3. ↑ "synapse" (in Engels). Online Etymology Dictionary. Geargiveer vanaf die oorspronklike op 26 September 2017. Besoek op 1 Oktober 2013.
4. ↑ Tansey, E.M. (1997). "Not committing barbarisms: Sherrington and the synapse, 1897". Brain Research Bulletin. Amsterdam: Elsevier. 44 (3): 211–212. doi:10.1016/S0361-9230(97)00312-2. PMID 9323432.
5. ↑ Perea, G.; Navarrete, M.; Araque, A. (Augustus 2009). "Tripartite synapses: astrocytes process and control synaptic information". Trends in Neurosciences. Cambridge, MA: Cell Press. 32 (8): 421–431. doi:10.1016/j.tins.2009.05.001. PMID 19615761.