Back مسدس الشتاء Arabic Hexàgon hivernal Catalan Zimní šestiúhelník Czech Wintersechseck German Winter Hexagon English Hexágono invernal Spanish ششضلعی زمستانی Persian Hexagone d'hiver French משושה החורף HE Zimski šesterokut Croatian
Die Somerseshoek is ’n asterisme in die vorm van ’n seshoek met die hoekpunte Rigel, Aldebaran, Capella, Pollux, Procyon en Sirius. In die Noordelike Halfrond is dit bekend as die "Winterseshoek".
’n Kleiner en meer simmetriese asterisme is die Somerdriehoek (ook die Groot Suidelike Driehoek genoem en in die Noordelike Halfrond bekend as die "Winterdriehoek"). Dit is ’n feitlik regte driehoek wat twee hoekpunte, Sirius en Procyon, met die groter asterisme deel. Die derde hoekpunt van die driehoek is Betelgeuse, wat naby die middel van die seshoek lê. Hierdie drie sterre is van die helderste 10 voorwerpe buite die Sonnestelsel van die Aarde af gesien. Betelgeuse is ook maklik om op te spoor, want hy lê in die skouer van die Jagter, wat sterkykers help om die driehoek te vind. Sodra die driehoek opgespoor is, kan die groter seshoek gevind word.
Die sterre van die seshoek is in ses verskillende sterrebeelde geleë. Hulle is antikloksgewys, van Rigel af, die Jagter, Bul, Koetsier, Tweeling, Klein Hond en Groot Hond.