Sout (chemiese stof)

'n Sout is 'n stof wat uit positiewe en negatiewe ione bestaan (onderskeidelik katione en anione). Die belangrikste soort sout is natriumchloried of tafelsout (Na⁺Cl^-), wat in die alledaagse taalgebruik gewoonweg "sout" genoem word.

In 'n vastestoftoestand word die ione van soute deur ioniese binding in 'n kristalrooster vasgehou. Soute is ook die produkte van neutralisasieprosesse.

As soute in water opgelos word, ontstaan elektroliete, wat elektrisiteit kan gelei. Die proses kan vir elektrolise gebruik word.

Soute kan ys smelt, omdat dit die temperatuur wat nodig is om 'n vloeistof te vries verlaag.^[1] As gevolg hiervan word strate soms in die winter met soute behandel.^[2]

1. ↑ http://www.sciencebase.com/science-blog/salt-lowers-freezing-point-of-water.html
2. ↑ "argiefkopie". Geargiveer vanaf die oorspronklike op 4 Maart 2016. Besoek op 21 Maart 2017.