Swartdas, algemeen bekend onder sy Engelse naam Black tie of sy Franse naam cravate noire,[1] is 'n dragkode vir aandgebeure en sosiale funksies, afgelei van die Britse en Amerikaanse kostuumkonvensies van die 19de eeu. Tradisioneel word dit slegs gedra vir funksies na 7 n.m., swartdas is minder formeel as witdas maar meer formeel as informele of besigheidsdrag. In die Verenigde State, word die here se vorm van swartdasuitrustings dikwels na verwys as 'n tuxedo.[2]