Back Taman Nasional Gunung Table BAN Parc Nacional de Table Mountain Catalan Tafelberg-Nationalpark German Table Mountain National Park English Nacia Parko Tablomonto Esperanto Parque nacional Montaña de la Mesa Spanish Table Mountain Parke Nazionala Basque Pöytävuoren kansallispuisto Finnish Parc national de la Montagne de la Table French Parco nazionale della montagna della Tavola Italian
| Tafelberg- Nasionale Park | |
|---|---|
 | |
| Land | Suid-Afrika |
| Provinsie | Wes-Kaap |
| Naaste dorp | Kaapstad |
  Tafelberg- Nasionale Park |
|
| Koördinate: 33°58′0″S 18°25′30″O / 33.96667°S 18.42500°O | |
| Oppervlak | 25 000 ha |
| Openingsjaar | 1998 |
| Bestuursliggaam | SANParke |
| Webblad | Tafelberg- Nasionale Park |
Die Tafelberg- Nasionale Park is 'n natuurreservaat op die Kaapse Skiereiland by Kaapstad, Suid-Afrika.
Die park wat in 1998 gestig is, beslaan die Tafelberg-bergreeks, wat van Seinheuwel in die noorde strek tot by Kaappunt, en die see en kus van die skiereiland. Die nou stukkie land word omsluit deur die Atlantiese Oseaan aan die westekant en die warmer Valsbaai aan die oostekant. Die park is ryk aan plant- en dierelewe insluitend die Kaapse fynbos. Die park is uniek in die sin dat dit geheel en al in 'n stedelike gebied geleë is. Dit is ook ryk aan historiese en kultuurskatte.
Die park is grotendeels vrylik toeganklik en toegangsfooie is slegs op drie plekke betaalbaar, naamlik by Kaap die Goeie Hoop, Boulders en Silwermyn.
Die park beslaan 25 000 hektaar en daar word beoog om nog 5 000 hektaar by die park te voeg. Tydens die vestiging daarvan is die park gefinansier deur die Global Environmental Facility (GEF) in Washington wat betaal het vir vestiging van die park en die uitroei van uitheemse indringerplante. 'n Ander bron van finansiering was die Franse Fonds français pour l'environnement mondial (FFEM). Die park word verder uitgebrei en onderhou uit fondse van die Uitgebreide Openbare Werke-program van die Departement van Omgewingsake en Toerisme en indringerplante word uitgeroei deur die Werk vir Water-program van die Departement van Waterwese en Bosbou.