Back The Who ACE The Who ALS ዘ ሁ Amharic The Who AN The Who ANG ذا هو Arabic ذا هو ARZ The Who AST The Who Azerbaijani د هو AZB
The Who | |
|---|---|
 | |
| Agtergrondinligting | |
| Oorsprong | Shepherd's Bush, Londen, Engeland (VK) |
| Genres | Rock, hardrock, rhythm & blues |
| Jare aktief | 1964 — 1983, 1985, 1988 — 1989, 1996 — hede |
| Etikette | Brunswick, Decca, Music Corporation of America, Warner Music Group, Track, Polydor, Republic |
| Assosiasies | The High Numbers, The Detours, The Who: Maximum R & B |
| Webwerf | thewho.com |
The Who is 'n Engelse rockgroep van die jare sestig en sewentig van die twintigste eeu wat in 1964 in Londen (Engeland) tot stand gekom het. Die groep het tot een van die bekendste rock-'n-roll-groepe ter wêrel gegroei en het op hul hoogtepunt uit sanger Roger Daltrey, kitaarspeler Pete Townshend, baskitaarspeler John Entwistle en tromspeler Keith Moon bestaan. The Who was met uitsondering van die periodes tussen 1983 en 1988 en tussen 1990 en 1995 vrywel kontinu op musiektoer gewees. Wysigings aan die groepsamestelling het gekom na die dood van Keith Moon in 1978 (wat agtereenvolgens deur Kenney Jones, Simon Phillips en Zak Starkey vervang is) en na die dood van John Entwistle in 2002 (in wie se plek Pino Palladino sedertdien waarneem). Teen die einde van Oktober 2006 het The Who 'n comeback gemaak met hul album Endless Wire. Dit is die elfde ateljeealbum wat die groep uitgebring het, maar die eerste sedert It's Hard (1982).
The Who het veral as rockpioniers bekend geword; uitvinders van die kragakkoorde (powerchords) en Townshend se rockopera Tommy. Die vroeë mod-albums van die groep — met korte, soms aggressiewe nommers daarop — is goeie voorbeelde van hoe The Who daar uitgesien het: Pete Townshend met sy leidende kragakkoorde, Keith Moon met sy eksplosiewe tromwerk, John Entwistle met sy baslopies en Roger Daltrey met sy kragtige stem en rondvlieënde mikrofoon. Hierdie albums het 'n groot invloed op die ontwikkeling van hardrock en powerpop gehad, terwyl die luidrugtige en aggressiewe konserte die weg vir die koms van punkrock gebaan het.
|
Van Mod-rockers tot rockoperas en hardrock, so regeer The Who as trotse voorvegters, volgens die mening van vele, die titel van die Wêreld se Grootste Rockband. — Kommentaar oor The Who in die Rock and Roll Hall of Fame[1]
|
|