Toyota Corolla (E120)

Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas.

Toyota Corolla (E120)

Die negende geslag Toyota Corolla E120
Oorsig
Vervaardiger	Toyota Motorkorporasie Japan
Produksie	2000-2007
Bakwerk en onderstel
Klas	Kompakte motor

Die Toyota Corolla (E120) is die negende geslag van die kompakte Toyota Corolla sedanmotor wat deur Toyota vervaardig en bemark wordonder die Corolla-kenteken. In Japan het hierdie reeks in Augustus 2000 die mark betree, maar beduidende uitvoere is egter eers in 2001 en 2002 bereik.

Die sedan en stasiewa het eerste aangekom in Augustus 2000, gevolg deur die vyfdeurluikrug in Januarie 2001, en die slegs-Europa driedeurluikrug in 2002. Toyota het die oorspronklike stilering aangevul met 'n hoekige luikrugstilering vanaf 2002. Sedans en stasiewaens het 'n nuwe voorontwerp ontvang in Japan in 2004, hoewel hierdie weergawe nie uitvoermarkte bereik het nie. In ander Asiatiese markte en die Amerikas, het die negende geslag Corolla (sedan en slegs wa) unieke voorste en agterste stileringsbehandeling gekry, met kleiner verbeterings oor die model se produksieloop.

Die negende geslag Corolla (NZE120/ZZE120) is aangebied op 'n langer 2600 mm wielbasis. Dit is op 'n verkorte Toyota Vista platform gebou. Deur bemarking as 'n premie kompakte sedan, 'n bekostigbare luikrug, was die 9de generasie Corolla ontwerp as 'n globale motor om verskillende behoeftes van die mark te bevredig. Dit het een van Toyota se mees veelsydige en mees gewilde modelle ooit opgelewer.

Die Corolla het ook 'n ander veeldoelige voertuig geproduseer, die Matrix (E130), wat verkoop is in Kanada, Meksiko en die Verenigde State van Amerika; wat ook die basis vorm van die Pontiac Vibe, wat op sy beurt in Japan verkoop as die Toyota Voltz.

Die E120 reeks is deur die E140 of E150-reeks vervang in die laat-2006 of vroeg-2007, maar die E120 sou voorts in China geproduseer word.

Die E120 Corolla het die What Car? tydskrif se "Motor van die Jaar" toekenning gewen in 2002.