Back Tractau de Guadalupe Hidalgo AN معاهدة غوادالوبي هيدالغو Arabic Quadalupe-İdalqo müqaviləsi Azerbaijani Договор от Гуадалупе Идалго Bulgarian Tractat de Guadalupe-Hidalgo Catalan Smlouva z Guadalupe Hidalgo Czech Freden i Guadalupe Hidalgo Danish Vertrag von Guadalupe Hidalgo German Treaty of Guadalupe Hidalgo English Traktato de Guadalupe Hidalgo Esperanto
Die Verdrag van Guadalupe Hidalgo (Engels: Treaty of Guadalupe Hidalgo, Spaans: Tratado de Guadalupe Hidalgo) was 'n vredesooreenkoms tussen Meksiko en die Verenigde State van Amerika wat op 2 Februarie 1848 onderteken is. Die verdrag bring 'n einde aan die Meksikaans-Amerikaanse Oorlog en lei daartoe dat Meksiko 'n groot deel van sy grondgebied (Alta Kalifornië) vir $15 miljoen aan die Verenigde State verkoop.
Die verdrag is in Guadalupe Hidalgo geteken, tans die Distrik Gustavo A. Madero in Meksikostad. Dit is deur Antonio López de Santa Anna en Nicholas P. Trist onderteken. Op 10 Maart word dit deur die Amerikaanse Senaat geratifiseer, en op 19 Mei van dieselfde jaar deur die Meksikaanse regering. Volgens die verdrag word Meksikane in die noorde van Meksiko 'n keuse gebied om Amerikaanse burgerskap te aanvaar of te verskuif. Meer as 90% kies egter Amerikaanse burgerskap.
Soos dikwels met die soort verdrae gebeur, word die verdrag beter in Meksiko as in die VSA onthou. Daar is 'n beweging in die VSA, genaamd Aztlán wat hulle beywer om die gebied wat deur die verdrag verloor is weer by Meksiko te voeg.