Vreemdkwark

Vreemdkwark
Die vreemdkwark se plek in die Standaardmodel (onder kwarke).
Samestelling	Elementêre deeltjie
Statistiek	Fermionies
Groep	Kwarke
Generasie	Tweede
Wisselwerking	Sterk, swak, elektromagneties, swaartekrag
Simbool	s
Antideeltjie	Vreemd-antikwark
Geteoretiseer	Murray Gell-Mann (1964) George Zweig (1964)
Ontdek	SLAC, 1968
Massa	95+5−5 MeV/c2[1]
Verval in	Opkwark
Elektriese lading	-1/3 e
Kleurlading	Ja
Spin	1/2
Swak isospin	LH: -1/2, RH: 0
Swak hiperlading	LH: 1/3, RH: -2/3

Die vreemdkwark of s-kwark (simbool: s, van die Engelse strange quark) is die derde ligste van al die kwarke, ’n soort elementêre deeltjie, en ’n hoofbestanddeel van materie. Hulle word in hadrone aangetref, wat subatomiese deeltjies is wat uit kwarke bestaan.

Saam met die sjarmekwark is dit ’n tweedegenerasie-kwark. Dit het ’n elektriese lading van -¹⁄₃ e en ’n massa van 95+5−5 MeV/c². Nes ander kwarke is die vreemdkwark ’n elementêre fermion met spin-¹⁄₂ en ervaar dit al vier fundamentele kragte: swaartekrag, elektromagnetisme, swak kernkrag en sterk kernkrag. Sy antideeltjie is die anti-vreemdkwark of anti-vreemd), waarvan sekere eienskappe dieselfde magnitude maar teenoorgestelde teken het.

1. ↑ J. Beringer et al. (Particle Data Group) (2012). "PDGLive Particle Summary 'Quarks (u, d, s, c, b, t, b′, t′, Free)'" (PDF). Particle Data Group. Besoek op 30 November 2012.