Wes-Vlaams

Wes-Vlaams West-Vlams/West-Vloams
Gepraat in:	België  Frankryk  Nederland
Gebied:	Wes-Vlaandere
Totale sprekers:	1 204 000[1]
Taalfamilie:	Indo-Europees  Germaans   Wes-Germaans    Nederfrankies     Nederlands      Wes-Vlaams
Skrifstelsel:	Latynse alfabet
Taalkodes
ISO 639-1:	geen
ISO 639-2:
ISO 639-3:	vls
Nota: Hierdie bladsy kan IFA fonetiese simbole in Unicode bevat.

Wes-Vlaams (West-Vlams, West-Vlams, West-Vloams, Nederlands: West-Vlaams) is 'n Nederfrankiese dialek, wat tot die Nederlandse taal behoort. Wes-Vlaams word tot die Hollands-Frankiese dialekte en die suidwestelike dialekgroep gereken.

Wes-Vlaams word in die westelike deel van België gepraat: hoofsaaklik in die provinsie Wes-Vlaandere, verder in die noord- en middel-weste van die provinsie Oos-Vlaandere en in die munisipaliteit Komen-Waasten van die provinsie Hainaut (gedeeltelik). Daarbenewens word Wes-Vlaams ook in die weste van die Nederlandse gebied van Zeeuws-Vlaandere^[2] en in Frans-Vlaandere^[3] (gedeeltelik) gepraat.

Die Wes-Vlaamse streektaal het invloede van die nabygeleë Pikardies, 'n Romaanse streektaal, ondergaan.

Die ooste van Wes-Vlaandere en die weste van Oos-Vlaandere vorm 'n oorgangsgebied tussen die Wes-Vlaamse en die Oos-Vlaamse dialek.

1. ↑ (en) ethnologue.com: Vlaams
2. ↑ Die Wes-Vlaams van Zeeuws-Vlaanderen word as Seeus-Vlaams ook tot die Seeuse dialek gereken.
3. ↑ Die Wes-Vlaams van Frans-Vlaandere word ook Frans-Vlaams genoem.