William Cotton Oswell

William Cotton Oswell (27 April 1818 – 1 Mei 1893) was 'n Engelse ontdekkingsreisiger in Afrika en ander gebiede.

Hy is in Leytonstone, Essex gebore en het Rugbyschool bygewoon. In 1837 het hy 'n pos by die Oos-Indiese Kompanjie in Madras verkry deur sy oom John Cotton, wat 'n direkteur van die maatskappy was. Hy het tien jaar daar aangebly, Tamil en ander tale geleer en chirurgie en medisyne studeer.

Hy is om gesondheidsredes na Suid-Afrika gestuur en het die Kalahari-woestyn in Betsjoeanaland (nou Botswana) verken en die Ngamimeer opgespoor. Hy het saam met David Livingstone aan ekspedisies na die Zambezirivier deelgeneem. Een van Livingstone se kinders, gebore in Botswana in 1851, se naam was William Oswell Livingstone. Op 'n ander ekspedisie het hy die eerste Europeër geword wat Mumbuluma-waterval en Kalambo-waterval gesien het in wat sedertdien Zambië geword het. Hy het in 1853 na Engeland teruggekeer en mediese pligte tydens die Krimoorlog verrig. In 1855–56 het hy in Noord- en Suid-Amerika gereis. In 1860 trou hy met sy vrou Agnes, vestig hom in Groombridge, Kent en het vyf kinders gehad.

Die spesie Rhinoceros oswellii is na hom vernoem (hierdie naam word nie meer in moderne taksonomie gebruik nie). Livingstone het beskryf dat Oswell noue ontkomings gehad het, nadat hy by twee geleenthede deur 'n renoster gekarnuffel is.^[1][2][3][4]

1. ↑ "Relationship Calculator: William Cotton Oswell relationship to Henry Cotton". Halhed genealogy & family trees. Geargiveer vanaf die oorspronklike op 7 Oktober 2011. Besoek op 19 Februarie 2011.
2. ↑ "Relationship Calculator: William Cotton Oswell relationship to Henry John Stedman Cotton". Halhed genealogy & family trees. Geargiveer vanaf die oorspronklike op 7 Oktober 2011. Besoek op 19 Februarie 2011.
3. ↑ "argiefkopie". Geargiveer vanaf die oorspronklike op 12 Oktober 2013. Besoek op 4 Desember 2022.
4. ↑ "Sketches in Mafeking and East Africa" (Smith, Elder & Co., 1907, p. 87)