Beschleunigung

Physikalischi Grössi
Name	Beschleunigung
Formelzeiche vo dr Grössi	${\displaystyle {\vec {a}}}$
Grössen- und Eiheite- system Eiheit Dimension SI ${\displaystyle \mathrm {\,{\frac {m}{s^{2}}}} }$ L·T –2 CGS ${\displaystyle \mathrm {\,{\frac {cm}{s^{2}}}} }$ L·T –2 Planck Planck-Beschleunigung ħ–1/2·G–1/2·c7/2

Under Beschlünigung verstaht mer di momentani ziitlichi Änderigsratä vo dä Gschwindigkeit. D Beschlünigung isch ä vektorielli (also grichteti) Grössi. Si spillt bi dä Beschriibig vo Bewegigsvorgäng und d Beiflussig dur Chräft vo ebe däne Bewegigsvorgäng e zentrali Rollä.

I dä Umgangsspröch wird hüfig nur e Gschwindigkeitszuenahm als Beschlünigung bezeichnet. Im physikalischä Sinn isch aber jedi Änderig vonere bewegig e Beschlünigung. Das schlüsst e Abnahm vo de Gschwindigkeit – also biispilswiis en Brämsvorgang – genauso ii wie e Richtigsänderig bi glichbliibendem Gschwindigkeitsbetrag – biispilswiis binere Kurvä mit em Auto.

Di internationali Einheit (SI-Einheit) vo dä Beschlünigung isch ${\displaystyle \mathrm {\,m/s^{2}} .}$ Binere Beschlünigung vo ${\displaystyle 1\mathrm {\,m/s^{2}} }$ veränderet sich d Gschwindigkeit pro Sekundä um ${\displaystyle 1\mathrm {\,m/s} }$. I dä Geowüssäschaftä isch für ${\displaystyle 0{,}01\mathrm {\,m/s^{2}} }$ au d Einheit Gal gebrüüchlich.

Beschlünigung chunt bi allnä realä Bewegigsvorgäng, z. B. vo Fahrzüg, Flugzüg oder Lift, vor. Si händ wäge de i däm Zämehang ufträtende Trägheitschräft meh oder wenigär dütlichi Uswirkigä uf debii beförderti Mänschä und Sachä.