Back الكنيسة الكاثوليكية القديمة Arabic الكنيسه الكاثوليكيه القديمه ARZ Старакаталіцызм Byelorussian Старакаталіцтва BE-X-OLD Starokatolička crkva BS Església Catòlica Antiga Catalan Starokatolická církev Czech Gammelkatolikker Danish Altkatholische Kirche German Παλαιοκαθολική Εκκλησία Greek
Die Chrischtkatholischi (Schwiiz) oder Altkatholischi (Düütschland) oder Oud-Katholieke Kerk (Holland) Kirche isch en Abschpaltig vo de römisch-katholische Kirche, wo zur Ziit vom Kulturkampf passiert isch. Nach em Erschte Vatikanische Konzil 1870 het sich 1889 d Utrechter Union vo de altkatholische Kirche bildet. De wichtigscht Grund vo de Abschpaltig isch s päpschtliche Unfehlbarkeitsdogma, de eigentlich Uuslöser vom Kulturkampf, gsii. Es sind aber au e paar römisch-katholischi Dogme wie Mariä Himmelfahrt nümm anerkennt worde. Me het zrück zum Urchrischtetum welle.
I de Schwiiz isch die chrischtkatholischi Kirche eini vo de drei Landeskirche, allerdings die düütlich chliinschti. De Schwärpunkt vo de chrischtkatholische Gmeinde isch i de Nordweschtschwiiz und de Bischofssitz isch z Bärn, wo s a de Uni es Departemänt für Chrischtkatholischi Theologii git.
Di altkatholischi Kirche vo Dütschland isch en öffentlichi Körperschaft, wo au Chircheschtüüre yzieh cha. Si isch vor allem i de Bundesländer Bade-Württebärg und Nordrhy-Weschtfale verbräitet.