Dschingis Khan

Dschingis Khan
Grooss-Chan vo de Mongole
Regierigsziit	Früelig 1206 – August 1227
Chrönig	Früelig 1206 z Kurultai am Onon Fluss in dr Mongolei
Name	Dschingis Khan uf Mongolisch: Чингис хаан Chinggis Khaan Mongolischi Schrift (rächts): Chinggis Khagan 成吉思汗, Ch'eng2-chi2-szu1 Han4 Geburtsnaame: Temüdschin; mongolisch Тэмүжин Temujin[1]
Titel	Khan, Chan Tämpelnaame: 元太祖 (pinying Yüan2 T'ai4-tsu3) Naame noch em Dood: Kaiser Fatian Qiyun Shengwu (Kaiser Fa-tien Chi-yun Sheng-wu; 法天啟運聖武皇帝)
Nochfolger	Ögedei Khan
Verhürotet mit	Börte Üjin Khulan Yesugen Yesui anderi

Dr Dschingis Khan (ursprünglig Temüdschin oder Temüüdschin, mongolisch Тэмүжин, Тэмүүжин: tatarisch: der Schmiid; * woorschinlig um 1155, 1162 oder 1167; † woorschinlig am 18. August 1227^[2]) isch e Chan vo de Mongole gsi, wo die mongolische Stämm^[3] veräinigt het. Si häi denn under iim e groosse Däil vo Zentralasie und Nordchina erooberet. Si Regierigszit as dr erst Grooss-Chan vo de Mongole isch vo 1206 bis 1227 gange.

Won er zum Groosskhan vo alle Mongole erhoobe worde isch, het er aagfange, no mee Gebiet z eroobere: im Oste bis an s Japanische Meer und im Weste bis zum Kaspische Meer. Zum das Riich chönne verwalte, het er en äigeni Schrift für s Mongolische lo entwiggle und er het Gsetz duuregsetzt, wo ufgschriibe gsi si und für alli gulte häi. Noch sim Dood isch s Riich under sine Söön ufdäilt worde und die häi s no mee vergröösseret. Aber scho zwäi Generazioone spööter isch s usenandergheit.

1. ↑ : '. In: Central Asiatic Journal. 5, 1959
2. ↑ http://orias.berkeley.edu/lessonplans/ChingisKhan.htm#origins Archivlink (Memento vom 9. Juli 2013 im Internet Archive) u. a. Geburts- und Doodesdaate
3. ↑ Kämpfe, Hans Rainer: Tschinggis Khan, in: Die Mongolen. Beiträge zu ihrer Geschichte und Kultur, uusegee vom Michael Weiers, Darmstadt 1986, S. 183f.