Haushuhn

Gallus gallus domesticus
Huushüener (Gallus gallus domesticus)
Systematik
Chlass: Vögel (Aves) Ordnig: Hüenervögel (Galliformes) Familie: Fasanenartigi (Phasianidae) Gattig: Kammhüener (Gallus) Art: Bankivahuen (Gallus gallus) Underart: Gallus gallus domesticus
Wüsseschaftlige Name
Gallus gallus domesticus
(Gmelin, 1789)

S Huen (Gallus gallus domesticus) isch e Zuchtform vom Bankivahuen, won e Wildhuen us Südostasie isch. Es ghöört zur Familie vo de Fasanenartige (Phasianidae). Landwirtschaftlig ghööre si zum Gflüügel. Em männlige Huen säit mä Güggel, em kastrierte Güggel Kapuun. Eme Wiibli cha mä au Henne sääge und e Henne mit Bibbeli, also mit Chliine, isch e Gluggere.

In dr industrielle Landwirtschaft git s Hybridhüener (Hybridzucht vo verschiidene räinerbige Inzuchtlinie), wo nit gäignet si zum sä witer züchte. Mast- und Leeghybrid wärde vo nume vier Konzärn, wo s uf dr ganze Wält git, züchtet und verchauft.