Back Hugenoot Afrikaans هوغونوتيون Arabic Hugonotes AST Hugenotlar Azerbaijani Hugenotten BAR Гугеноты Byelorussian Гугеноты BE-X-OLD Хугеноти Bulgarian Hugunoded Breton Hugonot Catalan
Hugenotte isch d Bezeichnig für die französische Protestante im vorrevolutionäre Frankriich, wo sit öbbe 1560 brucht worden isch. Ihre Glaube isch stark vo dr Lehr vom Johannes Calvin beiiflusst gsi.
Vo 1530 isch d Glaubensusüebig vo de Protestante dur dr katholisch Klerus und dr König stark underdruckt worde. Mehreri Chille und Chlöster si gschlisse oder blünderet worde, so d Kathedrale vo Soissons im Johr 1567 und s Chloster Cîteaux 1589. Druf hai no sterkeri Verfolgige aagfange, wo under em Louis XIV. mit em Edikt vo Fontainebleau vo 1685 e Höhepunkt erreicht hai und e Fluchtwälle vo öbbe ere Vierdelmillion Hugenotte in die protestantische Länder usglöst hai.
Noch em Ändi vo dr Verfolgig mit em Toleranzedikt vom Ludwig XVI. im Johr 1787 und wo die französischi Verfassig 1791 in Chraft drätte isch, het sich d Bezeichnig Protestante immer meh duregsetzt. D Bezeichnig Hugenotte wird also nume für die calvinistische Gläubige zur Zit vo ihrer Verfolgig in Frankriich brucht.
Die französische Protestante si hüte e komfessionelli Minderheit z Frankriich, wo dr Katholizismus vorherrschend isch. Si si in dr Reformierte Chille vo Frankriich organisiert.