Back الأساطير الهندية الأوروبية البدائية Arabic Relixón protoindoeuropea AST প্রোটো-ইন্দো-ইউরোপীয় কল্পতত্ত্ব Bengali/Bangla Religió protoindoeuropea Catalan Indoevropské náboženství Czech Indogermanische Religion German Proto-Indo-European mythology English Religión protoindoeuropea Spanish Aitzinindoeuropar mitologia Basque افسانههای نیاهندواروپایی Persian
Under Indogermanische Religio werd e hypotetischi Religioo bizaichnet, wo a de Urindeuropäer zuegschribe werd und ahand vo sproochliche und typologische Gmainsamkaite vo de Religione vo indeogermanische Völcher, erschlosse werd.
D Idee vonere indogermanische Religioo isch glii noch de Entdeckig vo de indogermanische Sproochfamili uufchoo, nochdem e sproochlichi und sachlichi Verwandtschaft zwöschet lat. Iuppiter/Diēspiter, agr. Zeus pater und ai. Dyaus Pita festgstellt woren isch. Trotzdem isch es a de früene Religiosforschig nöd gglunge, e grössere Zämehang zwösched de verschidnige indogermanische Religione z finde, trotz villne Vorschläg und Öberlegige, drunder aber au faltschi Vergliich wie z. B. nordisch Hel = indisch Kali; südgermanisch Wotan = indisch Vata).
Erst wo de Paul Thieme vorgschlage het, as di indogermanische Gotthaite eender personifizierti ethischi Bigriff sind statt personifizierti Natureliment, isch d Forschig us de Sackgass, wo si iigschlage het, usechoo. E wichtige Biitrag hett den de französisch Religioswüsseschaftler Georges Dumézil gschaffe, mit sinere Aasicht vonere drüfuntkionelle Struktur vom indogermanische Pantheon.