Insekten

Insekte
Honigbeieli (Apis mellifera)
Systematik
ohne Rang: Urmünder (Protostomia) Überstamm: Hütigsdier (Ecdysozoa) Stamm: Gliiderfüesser (Arthropoda) Unterstamm: Tracheedier (Tracheata) Überklass: Sechsfüesser (Hexapoda) Chlass: Insekte
Wüsseschaftlige Name
Insecta
Underchlass
Felsespringer (Archaeognatha) Fischli (Zygentoma) Fluginsekte (Pterygota)

D Insekte (Insecta) si die arteriichsti Klass vo de Gliiderfüesser (Arthropoda) und au die arteriichsti Klass vo de Dier überhaupt. Mindestens 80 Prozänt vo de bekannte Dierarte oder vil meh as e Million Arte ghöre drzue. Noch verschiidene Hochrächnige dänkt mä allerdings, ass es e Vilfachs vo däm siig, und ass vor allem in de tropische Rägewälder no Millione vo unentdeckte Arte läbe. Fossil löön sich Insekte zum erste Mol im Devon oder vor öbbe 400 Millione Johr nochwiise.

Dr Name „Insekt“ isch im 18. Johrhundert us em latiinische insectum iidütscht worde. Das ghört zu in-secare = „iischniide“ und bedütet aso eigetlig „igschnittnigs (Dier)“, was sich uf d Körperdeil bezieht, wo stark vonenander abgsetzt si. Es isch e Lehnübersetzig vom griechische éntomon = „Insekt“ (zu entémnein = „iischniide“), was sich hüt in Begriff wie dr Entomologii (Insektekund) spieglet. Dr Begriff „Kerbdier“ goht uf e dütsch Schriftsteller Philipp vo Zese zrugg. Früehner isch au dr wüsseschaftlig Name Hexapoda (griechisch für „Sächsfüesser“) bruucht worde, wo hüte für en übergordneti Gruppe reserviert isch.