Kap Hoorn

Kap Hoorn
S Kap Hoorn vom Meer us gsee
Geographische Lage
Koordinaten	55° 58′ 48″ S, 67° 17′ 21″ W-55.98-67.289166666667Koordinate: 55° 58′ 48″ S, 67° 17′ 21″ W
Gwässer 1	Pazifik
Gwässer 2	Atlantik

S Kap Hoorn (au Kap Horn, span. Cabo de Hornos, ängl. Cape Horn) isch e Landspitze uf dr chilenische Felseninsle Isla Hornos. Es isch dr südligsti Punkt vo Südamerika abgsee vo de abgelegene Diego-Ramirez-Insle und de Südseesandwitschinsle, wo mänggisch au zu Südamerika zelt wärde.

S Kap Hoorn isch von ere Expedizion vo dr Hoorner Austraalse Compagnie vom niederländische Seefaarer Willem Cornelisz Schouten am 29. Januar 1616 entdeggt worde und er het em zu Eere vom Root vo dr Stadt Capo Hoorn gsäit. D Behauptig, ass dr Ängländer Francis Drake S Kap Hoorn scho im Oktober 1578 entdeggt häig und im als Kap Elisabeth gsäit häog, isch erst noch 1618 gmacht worde, wo dr Drake scho zwanzig Joor lang dood gsi isch. Aber däm sini Notize und d Bricht vo sinere Mannschaft understürze die Behauptig nid.

Bis dass dr Panamakanal im August 1914 eröffnet worde isch, isch d Rute um s Kap Hoorn e wichdigi Schiffaartsrute gsi. Usser dr Magellanstrooss e chli witer gege Norde isch das dr äinzig Wääg für Schiff gsi, zum vo Öiropa us über e Atlantik an d Westküste vo Amerika – z. B. uf Chile oder Kalifornie – z choo.