Krokodile

Krokodil
Linggs oobe: Läistekrokodil (Crocodylus porosus) Linggs unde: Gangesgavial (Gavialis gangeticus) Rächts: Mississippi-Alligator (Alligator mississippiensis)
Systematik
Überklass: Chiifermüüler (Gnathostomata) Reije: Landwirbeldier (Tetrapoda) Amniote (Amniota) Sauropsida Archosauria Ordnig: Krokodil
Wüsseschaftlige Name
Crocodylia
Owen, 1842
Familie
Ächti Krokodil (Crocodylidae) Alligator (Alligatoridae) Gawial (Gavialidae)

D Krokodil (Crocodylia; altgriech. κροκόδιλος krokódilos, „Krokodil“) si en Ornig vo de amniotische Landwirbeldier. Si si näbe de Vögel äins vo de bäiden rezänte Taxa vo de Archosaurier, wo under anderem au die usgstorbnige Pterosaurier und d Dinosaurier drzue ghöre. D Artevilfalgalt vo de hütige Krokodil isch aber seer vil chliiner as die vo de Vögel. Dass d Vögel und d Krokodil relativ nooch verwandt si, cha mä an ere ganze Räije vo Merkmol gsee, vor allem wie s Härz-Kräislauf-Süstem ufbaut isch. Wägen eme Ruggepanzer, wo us Chnocheblatte in dr Hut bestoot, säit mä de Krokodil mänggisch au Panzeräggse.

D Krokodil, wo hüt lääbe, wärde in 25 Arte iidäilt, wo sich uf 8 bis 9 Gattige in drei Familie verdäile.^[1] Si lääbe in Flüss und See in de Troope und Subtroope, nume s Salzwasserkrokodil cha au im Meer lääbe und chunnt hüfig an de Küste vo Australie und verschiedene Insle in Südostasie vor. Iiri Lääbenswiis isch die vo Jeeger, wo im Wasser versteckt uf iiri Büti warte. Mit iirem Schwanz, wo uf de Site abgflacht isch, chönne si schnäll schwümme. Iiri Auge und Naselöcher ligi hooch uf em Chopf, sodass si fast vollständig chönne underdauche, aber drotzdäm no chönne schnuufe und us em Wasser luege.

1. ↑ The Reptile Database: Species Numbers (as of Feb 2014).