Lothringen

Lorraine / Louréne / Lothringe / Loutrengen
Verwaltigssitz	Metz
Bräsidänt	Jean-Pierre Masseret (Parti socialiste français)
Iiwohner	2.338.744 (2006, Blatz 9 vù 26)
Bevölcherigsdichti	98 Iiwohner/km²
Flächi	23.547 km² (3,7% vù Frankriich)
Underdeilig	4 Départements 19 Arrondissements 157 Kantön 2.337 Gmeinde
ISO-3166-2-Chürzel	FR-M

Lothringe (lothringisch: Louréne, französisch: Lorraine, hoochdüttsch Lothringen) isch e Landschaft un e frienerigi Region ìm Oschte (un Nordoschte) vun Frànkrich, de Region uff de Weschtsite vun de Vogese – de weschtlich Noochber vum Elsass. ’S b’steht üss véer Départements, ’m Moseldepartement (frz. Moselle – ém Ditschlànd oft àls „Lothringen“ vrstànde), de Meurte-et-Moselle, de Meuse (Maas), un ’m Vogesedepartement (Vosges), wù insgsamt 2.337 Gmeinde ùmfasse. De Regionsprefektür bis 2015 war Metz. Üss’r ’m Elsass hot's de aldi Regione Champagne-Ardenne un Freigrafschaft (Franche-Comté) beriehrt (– zsàmme 3). ’S war de einzigi frànzeesch Adminischtrativregion, wu met drei europäisch Noochberlend’r Grenze g'het het: Ditschlànd (Bundesländer Saarland ùn Rhiiland-Pfalz), Luxeburi un Belgie. ’S war newwe’m Elsass de zweit ditschsproochigi Region (Saar-Rhinfränkisch un Moselfränkisch) vun Frànkrich, àww’r numme ém eschtlich un ém nördlich Drittel vun de Moselle (àn de Grenz zue Ditschlànd un Luxeburi).

Üss denne Grend het de Region öi e stàrks europäisch Image un e wichtigi Rolle f’r Frànkrich én de Domäne. Lothringe lìt au mìtte ìn de Blaue Banane (ere Konurbation, wùù Europa vù Lancashire z Ängland bìs ìn di idaliänischi Toscana durchzieht). Sinni günschtigi Laag isch nìt ìmmer ussgnùtzt worre, wie de François Reitel feststellt: „Es schiint, wie wenn Frankriich nùmme ei ùffigs Fänschter zù de düttschsproochige Länder hät: s Elsass.“^[1]

D’Region isch under anderem ùs de alte Hèrzoogdǜmer Lothringe ùn Bar, em Dräibisdùùm Metz, Toul ùn Verdun, de Grafschafte Vaudément ùn Créhange, de Fürschtedǜmer Salm ùn Commercy ùm em sǜǜdlige Deil vùm Hèrzoogdùùm Lùxeburg (Region Thionville) entstande. D'Graafschaft Sarrewerden isch 1790 zùm Département Bas-Rhin chùù, wiil sinni Bevölcherig hauptsächlig ùs Brotestante bstande isch (Alsace Bossue). Lothringe hät sii Name vùm gliichnamige Hèrzoogdùùm. Urspringli kummt’r vum historisch Lotharinge od’r Lotharingie (dt. Lotharingen, frz. Lotharingie), nooch’m Enkel vum Kàrl ’m Grosse (Charlemagne), Lothar (frz. Lothaire), wu met sini Briad’r ’s Rich dreigeteilt het.

1. ↑ François Reitel, La Lorraine, 1982, Sitte 18. Originaltekscht (Französisch): La France a conscience de n'avoir qu'une fenêtre ouverte sur les pays allemands, l'Alsace rhénane. (Details)