Back Marie Antoinette Afrikaans मारी आंत्वानेत ANP ماري أنطوانيت Arabic مارى انطوانيت ARZ María Antonieta d'Austria AST Mariya Antuanetta Azerbaijani ماری آنتوانت AZB Мария-Антуанетта Bashkir Marie Antoinette BCL Марыя Антуанета Byelorussian
D Marie Antoinette (* 2. Novämber 1755 z Wien; † 16. Oktober 1793 z Bariis) isch as Maria Antonia Josepha Johanna Erzherzogin vo Östriich und Prinzässin vo Ungarn, Böhme, dr Toskana usw. bekannt und het us em Huus Habsburg-Lothringe gstammt. Si het dr franzöösisch Droonfolger Louis XVI. ghürootet, isch zerst Dauphine und spööter Königin vo Frankriich und Navarra worde. Si gältet as äini vo de farbevollste Figuure währed dr Franzöösische Revoluzioon. Dr bekannt Spruch, wo in de 1780er Joor as Grücht in Umlauf choo isch und d Härzloosikäit vo dr franzöösische Monarchii hätt sölle bewiise: «Wenn si käi Broot häi, sölle si doch Chueche ässe» stammt aber nit vo iire sondern vom Jean-Jacques Rousseau. Nüün Mönet nochdäm iir Maa hiigrichdet worden isch, het Giliotine au iirem Lääbe en Ändi gmacht.