Back Postbus Danish Postbus German Postbus English Postilinja-auto Finnish אוטובוס דואר HE Autopostale Italian ポストバス Japanese Postbus (vervoermiddel) Dutch Postbus SIMPLE
Bostauti (familiär au Boschi oder Boschti) wird in dr Schwiiz generell as Begriff für die motorisierte Nochfolger vo dr Postkutsche bruucht, in andere Länder bruucht mä drfür dr Begriff Postbus. Nit bruucht wird dr Begriff Bostauti in dr Schwiiz für Fahrzüüg, wo nume Bost drmit dransportiert wird.
Früehner isch die Kombination vo Bost- und Personetransport sälbstverständlig gsi, hüte si d Bostdransport hüfig vom öffentligen Verchehr drennt. Das isch nit nume für d Bostauti eso gsi, sondern au für anderi konzessionierti Buslinie und au für d Iisebahn. Non e chli früehner het mä dr Expressguet- und Stückguetdransport us em öffentlige Verchehrssystem useglöst. Die Drennig vo de Funktione het drzue gfüehrt, ass d PostAuto Schweiz AG as 100%ige Konzärngsellschaft vo dr schwiizerische Bost rächtlig en eigeni Existänz het. In abglägene Regione liifere immer no Bostauti d Bost an d Boststelle.