Reproduktion

Bischbil vo exponenziellem Waggsdum: D Entwigglig vo dr Wältbevölkerig. Oobe: absolut in Millione Mensche; unde: dr relativ Zuewaggs bro Joor in Brozänt. Wie mä gseet, isch in de letschte Joorzäänt d Waggsdumsroote chliiner worde und mä erwartet, ass sich d Wältbevölkerig schliesslig wird stabilisiere.

As Reprodukzioon wird e Vorgang bezäichnet, wo bin em öbbis vervilfältigt wird, und vilmol au s Resultat vo däm Vorgang, d Kopii, wo entstande isch. Bsundrigs im Zämmehang mit soziale Süsteem verstoot mä under Reprodukzioon nid nume, wenn e Kopii härgstellt wird sondern au, wenn e Zuestand ufrächt erhalte wird.

Wenn e Süsteem mee as äi Noochbildig (Kopii, Replikat) vo sich sälber cha erzüüge, denn isch e Waggsdum bzw.Vermeerig mööglig. Wie schnäll die isch, wird mit dr Reprodukzioonsroote gmässe. Wenn s kä Widerstand gege s Waggsdum bzw. d Vermeerig git, chunnt s zum ene exponenzielle Waggsdum.

Bi Lääbewääse reedet mä vo vegetativer und generativer Vermeerig und vo gschlächtliger und ungschlächtliger Furtpflanzig.

Dä Artikel basiert uff ere fräie Übersetzig vum Artikel „Reproduktion“ vu de dütsche Wikipedia. E Liste vu de Autore un Versione isch do z finde.