Sozialismus

Der Sozialismus isch näbem Liberalismus und em Konservatismus eini vo de drei grosse politische Ideologie, wo im 19. Johrhundert entstande sii. Der Begriff isch nie eidütig definiert gsi, isch auerdings erschtmaus aus überbegriff für kollektivi ideä brucht wordä. Später isch dr Begriff starch vom Karl Marx uh em Kommunismus prägt wordä, wo lut marx, äh form vo sozialismus isch. Dr Begriff het abr scho früech vo de sozialdemokratischen Bewegige, wo nume reformerisch gsi si und der Parlamentarismus und d Demokratie akzeptiert hai, bis zu kommunistisch-totalitäre oder autoritäre System (Realsozialismus), wo revolutionär entstande si, e Hufe Varianten umfasst. Hüt wird dr Begriff Sozialismus houptsächlech aus Ideologie, wo dr Bsitz vodä Produktionsmittu dürt Arbeiter(-klass) odr generell soziale Bsitz vo dä Produktionsmittu befürwortet, verwändet und definiert. Ds isch ä sehr lockeri defintion, was drmit ztüe het, ds dr Begriff Sozialismus vorauem oh aus Überbegriff für Ideologie wo soziale Bsitz übrd Produktionsmittu beinhaute vrwändet wird. Ds wäre z. B. dr bereits erwähnti Kommunismus, d'Sozialdemokratie, demokratische Sozialismus augemein bis hin zum Anarchismus.

D Sozialiste bedone bsunders d Grundwärt Gliichheit, Grächtigkeit und Solidarität und lege meistens Wärt uf en ängi Wächselbeziehig zwüsche praktische soziale Bewegige und der theoretische Gsellschaftskritik, zum beidi mitenand in Richtig von ere sozial grächte Wirtschafts- und Sozialornig wiiterzentwickle. Drbii verdräte si meistens e Gsellschaftsuffassig, wo im Privateigedum vo de Produktionsmittel d Wurzle vom Übel gseht und dorum d Vergsellschaftig von ene aasträbt.^[1][2]

Kritiker vom Sozialismus si der Aasicht, ass e Wirtschaftsordnig, wo nit märtwirtschaftlig isch und bsunders d Zentralverwaltigswirtschaft, ökonomisch ineffizient müess sii und au nid mit individuelle Grundrächt und Rächtsstaatlikeit chönnt veriibart wärde.

Der wichtigscht sozialistisch Staat isch d Sowjetunion gsii.

1. ↑ Werner Sombart: Sozialismus und soziale Bewegung, Jena, 1919, Seite 60
2. ↑ Bundeszentrale für politische Bildung