Back Standbeeld Afrikaans Статуя ALT تمثال Arabic تمثال ARZ Heykəl Azerbaijani هئیکل AZB Togog BAN Pararangpan BCL Статуя Byelorussian Статуя BE-X-OLD
E Statue oder es Standbild isch e freistehendi Skulptuur oder Blastik, wo mäistens vom e Bildhauer gmacht isch und wo e Person, e göttligi Figuur oder e Dier daarstellt.
Dr Hauptzwäck isch die symbolbehafteti Repräsentazioon vo dene Persoone oder Wääse. I der Nöizit sind Statue vilmol Deil vom ene Dänkmol.
Sonderforme si d Sitzstatue – me seit em au «Sitzbild» – und d Statue vom ene Riter oder s Riterstandbild. Statue stelle im Allgemäine dr ganz Körper daar, im Gegesatz zu de Büste und Herme, wo sich uf e Chopf, Hals und Däil vom Ooberkörper beschränke. Mä muess s Standbild au vom Gisant, der Abbildig von ere Persoon wo ligt, underschäide.
D Bezäichnig Statue wird gwöönlig für Daarstellige brucht, wo öbbe in dr natüürlige Gröössi oder überlääbensgrooss si. Figure wo dütlig chliiner si, wärde as Statuette oder Figurine bezäichnet. De seer groosse Statue säit mä Monumentalstatue oder Kolossalstatue.