Thema (byzantinische Verwaltung)

S Thema (altgriech. θέμα, d Etümologii vom Wort isch umstritte)^[1] isch e Verwaltigsäihäit im Byzantinische Riich gsi, wo die römischi Provincia ersetzt het. Die erste Theme si in dr Middi vom 7. Joorhundert entstande. Es het sich drbii um Milidäärdistrikt ghandlet, wo d Befäälshaber von ene spööter au zivil-administrativi Ufgoobe übernoo häi. Die ursprüngligi Bedütig vom Wort isch woorschiinlig „Armee“ gsi; es het sit em früeje 7. Joorhundert d Armeegrubbe vom ene magister militum (Armeemäister) in dr spootrömische Armee bezäichnet und denn woorschiinlig s Gebiet wo die Armee ufgstellt gsi isch. E Vorstuefe vo de Theme isch in e Hufe Hiisichte s Exarchat gsi.

1. ↑ Johannes Koder, Zur Bedeutungsentwicklung des byzantinischen Terminus Thema. In: Jahrbuch der Österreichischen Byzantinistik 40, 1990, S. 155–165.