X-SAMPA

X-SAMPA [ˈɛksˌsæmpə] (Abk. für Extended Speech Assessment Methods Phonetic Alphabet [ɪkˈstɛndɪd spiːtʃ əˈsɛsmənt ˌmɛθədz fəʊˈnɛtɪk ˈælfəbɛt]) isch e Witerentwicklig vo SAMPA, eme phonetische Alphabet, wo mit Hilf vo 7-Bit-ASCII-Cod cha dargstellt wärde. X-SAMPA isch 1995 vom britische Phonetiker John C. Wells entwicklet worde, für zum die underschiidlige SAMPA-Variante für verschiidnigi Sprooche uf ei Nenner z bringe, und zum alli Zeiche chönne darstelle, wo im Internationale Phonetische Alphabet vorchömme. Drotz dr Verbreitig vo Unicode zum Zwäck vo dr Erstellig und Archivierig vo Druckerzüügniss wird X-SAMPA immer meh in phonetische und sproochtechnologische Kontext uf dr ganze Wält brucht, vor allem wenn es um die automatischi Verarbeitig vo grosse Mängene vo Transkriptione in lokale Sprooche zu statistische Zwäck goht, für zum Sprooch-Iigoob/Usgoob-System z entwickle und für zum lexikographischi Datebanke z erstelle.