Zhou Enlai

Dr Zhou Enlai, au Tschu En Lai oder Chou En-Lai (chin. 周恩來 / 周恩来, Zhōu Ēnlái, W.-G. Chou Ên-lai; * 5. Merz 1898 z Huai’an, Browinz Jiangsu; † 8. Januar 1976 z Peking) isch e wichdige Füerer vo dr Kommunistische Bardei vo China (KPCh) gsi und dr Brömieeminister vo dr Volksrepublik China vo 1949 bis zu sim Dood. Er isch e populäre Politiker gsi und het sini Ämter au wäärend em Groosse Sprung noch vorne und dr Kulturrevoluzioon bhalte. Wo die ume gsi isch, het er mit de Vier Modärnisierige brobiert, d Schääde, wo d Kulturrevoluzioon aagrichdet het, z repariere.

Er isch e loijale Mitarbäiter vom Mao Zedong gsi und het innerhalb vo de revoluzionäre Beweegige und au us dr Sicht vo sine politische Gegner as dr intellektuell füerendi Chopf vo dr KPCh gulte.^[1]

1. ↑ Tschiang Kai Schek 1954: „Er ist der mächtige, der gefährlichere kluge Kopf.“ Interview in Zeit 1954/28, Der rote Star: Tschu En-lai