Amy Adams

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Amy Adams
Amy Adams
Información personal
Naixida o:	20 d'agosto de 1974
Naixida de:	Vicenza (Italia)
Ocupación:	Actriz

Amy Lou Adams, naixita de Vicenza (Italia) lo 20 d'agosto de 1974^[1], ye una actriz estausunidense conoixida por os suyos papers tanto comicos como dramaticos, ha amaneixiu tres vegadas en as clasificacions anyals d'as actrices millor pagadas d'o mundo. As suyas reconoixencias incluyen dos Globos d'Oro y nominacions a seis Premio Oscar y siet Premios de Cine de l'Academia Britanica.

Naixita en Vicenza, Italia,cuan su pai yera destinau en l'exercito d'os Estaus Unius en o complexo militar Caserma Ederle, y criada en Castle Rock, Colorado, Adams ye a cuarta de siet chirmans. Se formó pa estar bailadera, pero a las 18 anyadas d'edat, trobó que o teatro musical encaixaba millor y, de 1994 a 1998, treballó en teatro. Adams fació o suyo debut cinematografico con un paper secundario en a satira de 1999 Drop Dead Gorgeous. Dimpués de mudar-se enta Los Angeles, fació aparicions especials en televisión y prenió papers de "moceta mala" en cintas de chicota escala. O suyo primer paper important plegó en a cinta biografica de Steven Spielberg Catch Me If You Can (2002), chunto a Leonardo DiCaprio, pero estió desemplegada un anyo dimpués. O suyo abance se produció en o paper d'una muller embrazada locuaz en a cinta de comedia dramatica independient Junebug (2005).

A cinta de fantesía musical Enchanted (2007), en a cual Adams interpretó a una princesa alegre, estió o suyo primer gran exito como protagonista. Ella siguió interpretando a mullers inchenuas y optimistas en una serie de cintas, como que o drama Doubt (2008). Posteriorment, Adams chugó un paper mas important en as criticas positivas en a cinta esportiva The Fighter (2010) y a cinta de drama psicolochico The Master (2012). En 2013, prencipió a interpretar a Lois Lane en cintas de superherois ambientadas en o DC Extended Universe. Adams ganó dos Globos d'Oro consecutivos a la Millor Actriz por interpretar a una seductora esculabolsas en a cinta policial American Hustle (2013) y a la pintora Margaret Keane en a cinta biografica Big Eyes (2014). Recibió mas aclamacions por interpretar a una lingüista en a cinta de ciencia ficción Arrival (2016), a una propietaria d'una galería d'arte en a cinta de suspenso Nocturnal Animals (2016), a una reportera autolesiva en a miniserie Sharp Objects (2018) y a Lynne Cheney en a cinta satirica Vice (2018).

Os papers teatrals d'Adams incluyen a reposición de Into the Woods en 2012. En 2014, estió nombrada una d'as 100 personas mas influyents d'o mundo por Time y figura en a lista Forbes Celebrity 100.

1. ↑ (en) Amy Adams en Biography.com