Back تحليل جريمة قتل (فيلم) Arabic تشريح جريمه قتل ARZ Анатомия на едно убийство Bulgarian Anatomia d'un assassinat Catalan Anatomy of a Murder Welsh Anatomie eines Mordes (Film) German Ανατομία ενός Εγκλήματος (ταινία 1959) Greek Anatomy of a Murder English Anatomía de un asesinato Spanish Anatomy of a Murder Basque
| Anatomy of a Murder | |
|---|---|
| Títol | Anatomy of a Murder |
 Póster d'a cinta, obra de Saul Bass. | |
| Ficha tecnica | |
| Dirección | Otto Preminger |
| Producción | Otto Preminger |
| Guión adaptau | Wendell Mayes |
| Basau en | Anatomy of a Murder, novela de 1957 de Robert Traver |
| Musica | Duke Ellington |
| Fotografía | Sam Leavitt |
| Montache | Louis R. Loeffler |
| Escenografía | Boris Leven |
| Actors | James Stewart Lee Remick Ben Gazzara Arthur O'Connell Eve Arden Kathryn Grant Joseph N. Welch George C. Scott Orson Bean Russ Brown Murray Hamilton Brooks West |
| Color | Blanco y negro |
| Datos y cifras | |
| País(es) | Estaus Unius |
| Anyo | 1959 |
| Debantadera | 29 de chunio de 1959  Ishpeming y Marquette (Michigan, Estaus Unius)[1]
|
| Chenero(s) | Cine de drama Cine de chudicios |
| Durada | 160 min. |
| Idioma(s) | Anglés |
| Companyías | |
| Productora(s) | Carlyle Productions |
| Distribución | Columbia Pictures |
| Presupuesto | 2 millons de dólars |
| Recauto | 8 millons de dólars |
| Informacions en bases de datos especializadas: | |
         
| |
Anatomy of a Murder (títol orichinal en anglés, en aragonés Anatomía d'un asasinato, enguerada en Aragón con o suyo títol traduciu enta lo castellano como Anatomía de un asesinato) ye una cinta en blanco y negro de l'anyo 1959 de drama chudicial de cine estausunidense dirichida por Otto Preminger seguntes un guión adaptau por Wendell Mayes basau en Anatomy of a Murder, una novela publicada en 1957 por Robert Traver en basando-se en un caso chudicial en que él heba interveniu como avogau. A dirección de fotografía d'''Anatomy of a Murder ye de Sam Leavitt, a suya banda sonora orichinal ye de Duke Ellington y produció la cinta o mesmo Otto Preminger ta la productora cinematografica Carlyle Productions. L'elenco d'a cinta se composa, en os suyos papels principals, por os actors James Stewart, Lee Remick, Ben Gazzara, Arthur O'Connell, Eve Arden, Kathryn Grant, Joseph N. Welch, George C. Scott, Orson Bean, Russ Brown, Murray Hamilton y Brooks West.
A cinta s'ambienta en a suya epoca actual (1959) en una chicota localidat de Michigan, a on Paul Biegler, un antigo fiscal de districto que heba perdiu as eleccions y s'adedica a l'avogacía privada sin masiau entusiasmo, ha d'esfender a lo mariu de Laura Manion, una exuberant muller, que ye acusau de l'asasinato de l'amo d'un bar; seguntes o tenient Frederick "Manny" Manion en realidat o difunto heba violau a la suya muller. As escenas d'a cinta se rodoron integrament en cuantas localidaz de l'estau de Michigan, a on dimpués se fació l'enguero d'a cinta.[2] Se tracta d'una cinta que recibió cuantos premios y nominacions, en destacando seis nominacions a los Premios Oscar en a suya 32ena edición (incluyindo-ie las nominacions a Millor Cinta, Millor Actor y Millor Actor Segundario), tres nominacions a los Premios BAFTA en a suya 13ena edición (incluyindo-ie Millor Cinta y Millor Actor Forano) y cuatre nominacions a los Premios Globos d'Oro en a suya 17ena edición (Millor Cinta Dramatica, Millor Actriz Dramatica, Millor Actor Segundario y Millor Director).