Cuaresma

A cuaresma (d'o latín quadragesima (dies), u o "cuaranteno" día antis de Pascua)^[1] ye o periodo de cuaranta días antis de Pascua que o calandario liturchico cristiano sinyala ta preparar-se ta a Semana Santa. Prencipia o Miércols de Cenisa y remata o Domingo de Pascua.

L'objectivo d'a cuaresma ye establir un periodo de reflexión y penitencia en que os cristianos tiengan tiempo de preparar-se ta a celebración de pascua. Tradicionalment tamién se practica l'ayuno y l'abstinencia.

1. ↑ (es) Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, ISBN 978-84-1340-315-1, p.382