Farmaco

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un farmaco ye una molecula bioactiva que, en virtut d'a suya estructura y configuración quimica, puede interactuar con macromoleculas proteicas, cheneralment denominadas receptors, localizadas en a membrana, citoplasma u nuclio d'una celula, chenerando una acción y un efecto evidenciable.

As enzimas tamién se consideran receptors cataliticos, pos son en condicions d'interactuar con ligandos. En iste caso os farmacos (agonistas), en ixa unión farmaco-receptor, intervienen cuasi siempre unions supramoleculars, ye decir, no de caracter covalente d'alta enerchía (arredol de 60 Kcal/mol), sino mas bien unions mas febles y reversibles como hidrofobicas, de Van der Walls u puents d'hidrocheno.

Modernament en o disenyo de nuevos farmacos s'utilizan descriptors, que categorizan una molecula por aspectos electronicos, cheometricos, cuanticos, termodinamicos y de conectividat, ixo viabiliza a utilización de ferramientas informaticas en o disenyo d'estructuras referencials u cabezas de serie.

O termin farmaco no s'ha de trafucar con o termin droga, pos ista error proviene d'una entivocada traducción de -drug- de l'anglés, por ixo -droga- no ye necesariament un sinonimo de farmaco y ista error encara s'observa en muitos textos de farmacolochía.

Cuan o farmaco, que ye o prencipio activo, se le presenta como una forma farmaceutica determinada, se le denomina merecina, aquí ya s'incluyen continchents tecnolochicos de fabricación, que determinarán una biodisponibilidat y estabilidat adecuada d'ixa presentación, ye decir buena absorción en un lapso de tiempo, y no degradación quimica u fisico-quimica que afecten o suyo funcionamiento en un organismo vivo, ye decir sin menoscabar una adecuada absorción, pasen d'a fase biofarmaceutica a la fase farmacocinetica que determina a plegada exitosa d'una molecula bioactiva a la biofase u puesto d'acción, en livels de concentración que guarencien un efecto.

Hue o gran abance en proteonomica y as consiguients alteracions que pueden sufrir as proteínas en as suyas estructuras terciarias prencipalment, ubren nuevas y suchestivas endreceras en a investigación de moleculas bioactivas pa combatir periglosos achents infecciosos como virus, bacterias y o cáncer.

Ista definición s'acota a aquellas substancias d'intrés clinico, ye decir aquellas usadas pa la prevención, diagnostico, tractamiento, mitigación y cura de malotías, y se prefiere o nombre de toxico pa aquellas substancias no destinadas a l'uso clinico pero que pueden estar absorbidas accidental u intencionalment; y droga pa aquellas substancias d'uso social que s'ocupan pa modificar estaus de l'animo.

Os farmacos pueden estar substancias creyadas por l'hombre u producidas por atros organismos y utilizadas por aquel. D'ista forma, hormonas, anticuerpos, interleucinas y vacunas son consideraus farmacos en estar administraus en forma farmaceutica. En resumen, pa que una substancia biolochicament activa se clasifique como farmaco, debe administrar-se a o cuerpo de traza exochena y con fins medicas.

Os farmacos s'expenden y emplegan prencipalment en a forma de merecinas, os cuals contienen o, u os, farmacos prescritos por un facultativo