Granito

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O granito ye una roca plutonica definita por a presencia de cuarz, feldespato alcalín y mica con una textura por un regular granuta. Ye a roca plutonica mes frecuent d'a crosta continental.

Seguntes a clasificación d'Streckeisen o granito corresponde a lo numero 3 d'o diagrama de Streckeisen, y as proporcions d'os minerals que definen a lo granito n'este diagrama son un 20-60 % de cuarz en relación a lo volumen de tota a roca, un 35-90 % de feldespato alcalín en relación a toz os feldespatos d'a roca y un 10-65 % d'oligoclasa en relación a toz os feldespatos. En un sentito amplo y tradicionals atras rocas de campos mugants en ixe diagrama se pueden decir tamién granitos: as granodioritas y os granitos con feldespato alcalín en especial.

Atros minerals que pueden estar presents en os granitos y que no son relevants en a clasificación d'Streckeisen son a biotita, a moscovita, o granat, a cordierita, a silimanita y l'andalucita.

Como accesorios trobamos l'apatito, o zircón, a sfena, a monacita, a xenotima, o topacio, a turmalina, a pirita, l'allanita, a magnetita y a ilmenita.

A petrochenesi d'os granitos ye un tema polemico. Bi ha granitos de diferents orichens.

O granito ye una roca frecuent en o Pireneu Axial, en o Sistema Central y en a part occidental d'a Peninsula Iberica. O modelato que se desembolica en zonas graniticas ye conoixito como Berrocal. O granito tien utilidat como roca industrial.