Imperio Mongol

Imperio Mongol Монголын Эзэнт Гүрэн Mongolyn Ezent Guren Ikh Mongol Uls
← 1206 — 1368 → → → →
Mapa de l'Imperio
Capital	Karakorum, Cambaluc y Xanadú
Gubierno	Monarquía
• Formación	1206
• Desaparición	1368
Superficie  • Sieglo XIII  • 1270, 1309	33,000,000 km²
Población • Sieglo XIII est. • 1270, 1309 est.      Densidat	110.000.000 hab.

L'Imperio Mongol, fundau por Chinguis Khan en o sieglo XIII, estió l'imperio de territorios mugants mas amplo, ye decir, o que mas amplaria seguida ha controlato en toda la historia. Alto u baixo a metat d'a población mundial yera baixo lo dominio mongol por ixas envueltas. Incluyiba países actuals dende a mar Mediterrania dica l'oceano Pacifico, dende Europa Central dica o sudeste asiatico. L'actual Mongolia yera una parti chicota de l'imperio.

Temujin, naixito en 1167 unificó baixo la suya sobiranía a muitas tribus mongolas en 1190 y dimpués sozmetió a bellas tribus turquicas. En 1206 se fació proclamar Chingiz Kagan ("Khan universal"). Se convertió en o caporal d'un exercito formau fundamentalment por caballería, muit poderoso y organizau, dirichiu por mongols, pero talment de mayoría turquica.

Os uigurs adhibius a l'imperio civilizoron a la clase dirichent mongola. A luenga mongola encomenzó a escribir-se en alfabeto uigur, derivau de l'alfabeto sogdián. En 1218 os mongols entroron en l'Imperio d'os Kara-Khitai, tamién con una clase dirichent mongola (os khitan). Dimpués d'invadir Transoxiana en 1220 destruyoron Sarmagant, dimpués atramalloron Khorezm y en 1221 invadioron os restos d'a suya capital Urgench. Tiempo dimpués tamién devastoron Corastén, Bactria y lo norte de Persia.

Cuan morió Chinguis Khan en 1227 l'imperio fue dividiu entre tres d'os suyos fillos y un nieto: Chagatai, Ögödei y Tului y Batu, fillo de Chöchi.

• Batu obtenió las estepas occidentals, a l'ueste d'o Irtish, d'alto u baixo l'actual Cazaquistán y lo que pueda conquerir enta l'ueste.
• Chagatai, obtienió l'antigo territorio d'os Kara-Khitai, Transoxiana y norte de l'actual Afganistán.
• Tului, a Mongolia oriental y territorios mugants como Manchuria, muere en 1232.
• Ogödei estió a qui Chinghis Khan nombró succesor y recibió lo territorio entre l'Irtish y lo centro de Mongolia, con a Mongolia occidental y o Reino de Khotcho (o país d'os uigurs), y fue nombrau Gran Khan en 1229.

O Gran Khan Ögödei continó la expansión de l'imperio. Os zaguers restos d'o reino Qin cayoron en 1232 cuan os mongols prenioron Kaifeng. Ogodei ya heba conquiesto lo norte de China, y fundó la capital (Karakorum) en a val d'Orkhon. Morió en 1241.

A expansión mongola continó con o Gran Khan Mongke en 1259. Ninvió a su chirmano Hulegu Khan a conquerir los estaus musulmans d'Orient Meyo y atro chirmano suyo, Kublai, fue ninviau a conquerir o sud de China, feito que remató en 1279. Con a muerte de Mongke en 1259 remató en a practica a expansión mongola.

Un descendient d'Ögodei se fació proclamar Gran Khan, s'instaló en Pequín, fundó la dinastía Yuan se sinizó y se convirtió en un emperador de China d'orichen mongol que encara controlaba Mongolia. Alto u baixo en l'anyo 1260 en a practica l'Imperio Mongol quedó dividiu en cuatre estaus independients:

• En a cuenca d'a Volga yera la Horda d'Oro, gubernada por descendients de Chötchi.
• En Irán yera lo Ilkhanato de Persia, gubernau por descendients de Hülegü Khan.
• En Asia Central dende Transoxiana dica la cuenca de Tarim en pasando por as estepas a lo norte de Tien Shan yera lo Khanato Chagatai, que dimpués se dividió en Transoxiana, de tradición islamica, y Mongolistán, de tradición nomada mongola.