Islas Anglonormandas

As islas Anglonormandas, islas d'a Canal u islas d'a Canal d'a Manga (en normando Îles d'la Manche; en francés Îles Anglo-normandes; en anglés Channel Islands) son un archipelago u conchunto d'islas en o canal d'a Manga a l'ueste d'a peninsula normanda d'o Cotentin; yeran a parte insular d'a provincia historica de Normandía, y yeran clamadas tamién archipelago normando.

As islas penden d'a Corona britanica, anque no fan parte d'o Reino Uniu: se troban sota a sobiranía d'o duque de Normandía, un títol personal d'a monarquía anglesa dende a conquiesta normanda d'Anglaterra por Guillermo o Conqueridor dimpués d'a batalla de Hastings en 1066. Iste estatuto especial fa que por a suya autonomía as islas no fesen parte d'a Unión Europea mientres que lo Reino Uniu en feba parte, con anterioridat a lo brexit.