Mesquita

Una mesquita^[1] ye un puesto de culto t'os seguidors d'a fe islamica. Os musulmans por un regular se refieren a las mesquitas por o suyo nombre arabe maschid, en plural masāchid, (adaptando a letra chim de l'arabe con a ch).

O proposito prencipal d'a mesquita ye de servir de puesto a on os musulmans puedan reunir-sen ta rezar. Dende o punto de vista arquitectonico, as mesquitas han evolucionato significativament dende os espacios a l'aire libre que yeran a mesquita de Quba y a Maschid an-Nabawī en o sieglo VII. Hue en diya a mayoría d'as mesquitas tienen cupulas elaboratas, minarez y salas ta orar. Culturalment, no son nomás puestos ta adorar, sino tamién ta aprender sobre l'islam y conoixer a atros creyents.

1. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.