Orache

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L' orache^[1] (orage en ortografia SLA, de l'occitán < auratge)^[2] comprende toz os posibles fenomenos que se desvienen en l'atmosfera. En aragonés se fa servir mes a sobén a palabra orache cuan os fenomenos tienen resultatos negativos que positivos.

Por un regular a palabra orache reflecta l'actividat d'estos fenomenos mientres un periodo de tiempo de bels días. A meya u regularidat d'os oraches que han esdevenito en un periodo de bellas anyatas se conoixe como clima.

Os fenomenos meteorolochicos regulars se dicen meteoros climaticos, y incluyen o viento, as tronadas, a plevia, a nieu, a piedra, a boira, a rosada, que succeden en a troposfera, a part mes baixa de l'atmosfera.

1. ↑ (an) Garcés Lardiés, Silbia,Rodés Orquín, Francho:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.39
2. ↑ (es) Nagore Laín, Francho:Los occitanismos en aragonés, Alazet n°6, 1994, p.148