Back Politieke party Afrikaans Partei ALS حزب سياسي Arabic ܓܒܐ ARC حزب سياسى ARZ ৰাজনৈতিক দল Assamese Partíu políticu AST Siyasi partiya Azerbaijani حیزب AZB Сәйәси фирҡә Bashkir
Un partiu politico ye una organización politica que tien una ideolochía determinada y/u representa bel grupo en particular con l'obchectivo de participar en bel tipo d'elección u sufrachio. Tamién se pueden formar arredol d'un tema d'intrés especial. Os partius politicos en una democracia gosan informar a la opinión publica d'os suyos plans y programas politicos. Os partius politicos constituyen unidaz organizativas a la cualas les ne reconoixe o dreito de participar en un proceso d'elección politica por meyo d'a presentación de candidatos y programas d'acción u gubierno.
En os sistemas parlamentarios de gubierno, a mayoría d'os partius politicos eslichen un capo (u mas); si o partiu politico obtiene mayoría en as eleccions, o capo d'o partiu se converte en o chefe de gubierno. D'atra man, en os sistemas presidencialistas, o partiu puet trigar a lo suyo capo como candidato, pero, o president esleito, a sobén, ha d'arrenunciar de totas as connexions con o suyo partiu en prencipiar a suya chestión presidencial.