Plantae

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Esta pachina tracta sobre as plantas, sers vivos. Ta altros usos d'a palabra se veiga Planta (desambigación).

Plantas
Rechistro fosil: Dende l'Ordovicián dica l'actualidat
Diversidat de plantas, flors y fruitos.
Clasificación scientifica
Dominio: Eukaryota Reino: Plantae
Divisions
Biliphyta (Proto-plantas) Glaucophyta (Algas unicelulars) Rhodophyta (Algas royas) Viridiplantae (Plantas y algas verdas) Chlorophyta (Algas verdas) Streptophyta Charophyta (Algas verdas) Embryophyta (Plantas terrestres) Marchantiophyta (Hepáticas) Anthocerophyta (Antocers) Bryophyta (Molsas) Tracheophyta (Plantas vasculars) Lycophyta (Codas de yeugua) Euphyllophyta (Plantas con megafilos) Pteridophyta (Falces y falegueras) Spermatophyta Angiospermae (Plantas con flors) Gymnospermae (Coniferas, cicadas, gnetas y ginkgos)

As plantas^[1] (cientificament, o reino Plantae) son os organismos fotolitoautotrofos respiradors d'oxicheno, mayoritariament pluricelulars anque bi ha divisions formadas d'organismos unicelulars fotosinteticos que tradicionalment se son estudeadas per a Botanica que la suya filiación con as verdateras plantas ye descutida. Son formadors de materia organica a partir d'o carbonio atmosferico (CO2) y d'a enerchía que obtienen d'a luz, meyante un proceso bioquimico dito fotosintesi.

O termin planta ye bastant ambigo, perque en a tradicional división que fayoron Teofrasto y Aristótil d'os sers vivos en dos reinos (animals y plantas) o prencipal criterio embrecato no estió si que la capacidat de movimiento d'as creaturas. Se i han feito tantos cambeos en o zaguer sieglo que huei cal definir qué s'entiende per «planta» en basando-se en diversos criterios cientificos.

De bel estudio de chenetica molecular se n'ha quitau que las plantas con clorofila son tota descendients d'as algas verdas.

Actualment son consideradas como plantas toz os organismos eucariotas, y pluricelulars, que d'una u altra maniera tiengan bel tipo de pigmento fotosintetico, l'empleguen ta una alimentación autotrofa u semi-heterotrofa (cal recordar que bi ha plantas parasitas como la visca, u carnivoras como las violas d'as penyas). As plantas pueden reproducir-se de forma sexual u asexual, pendendo d'a suya especie, u d'a fase d'o suyo cerclo vital a on que se troben (cerclos haplonts, diplonts u haplodiplonts).

D'a palabra latina «planta» se'n fayó lo vocable «plantae» (que ye lo plural) ta designar o reino, y encara que totas as plantas propiament ditas son cuaternadas adintro d'este reino, no de totas as «plantae» se'n ye dito mai plantas popularment; per eixemplo, as molsas, hepaticas y altros organismos parellans son tecnicament «plantae» per as suyas caracteristicas pero no se son pas ditos plantas a nivel popular.

En l'anyo 2010 bi heba identificatas mas de 320.000 especies de plantas,^[2] anque se creye que bi ha mas de 350.000.

1. ↑ (an) Silbia Garcés Lardiés,Francho Rodés Orquín:Un borguil de palabras.Bocabulario dialeutal escolar, Gubierno d'Aragón, 2006, ISBN 84-689-7358-0, p.42
2. ↑ Número de especies por reino.