Back أقاليم إيليرية Arabic Provincies Iliries AST Ілірыйскія правінцыі Byelorussian Илирийски провинции Bulgarian Proviñsoù Illiria Breton Províncies Il·líriques Catalan Ilyrské provincie Czech Illyrische Provinzen German Illyrian Provinces English Provincias Ilirias Spanish
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
As provincias ilirianas estioron una entidat politica autonoma d'o Primer Imperio Francés que existió entre 1809 y 1816 y yera formada por un conchunto de territorios a lo norte y este d'a Mar Hadriana con población eslava meridional (eslovenos y croatas). A suya capital estió Ljubljana. Os franceses imposoron en as provincias ilirianas l'administración y o dreito franceses, y tamién l'uso oficial d'o francés, y construyoron camins, puents, immuebles, a part de fer reformas socials como a emancipación d'os siervos y a redistribución de tierras. Tamién bi habió campanyas de reforestación.[1]
A entidat "Provincias Ilirianas" fue creyada en 1809 por o Tractau de Schönbrunn cuan l'Imperio Austriaco cedió a lo Primer Imperio Francés os territorios d'a Carintia occidental y alta con Lienz en o Tirol oriental, Carniola, o surueste d'o río Sava, Gorizia y Gradisca, y Trieste como resultau d'a derrota en a Batalla de Wagram. Estos territorios a lo norte y este d'a Mar Hadriana fuoron adhibius con Dalmacia a las Provincias Ilirianas. O territorio de l'anterior Republica de Ragusa, que heba estau anexionau a lo reino napoleonico d'Italia en 1808 fue adhibiu a las Provincias Ilirianas.
En l'anyo 1813 l'Imperio Austriaco reconquirió estos territorios de fueras de Kotor y a suya redolada, que fue ocupada por os montenegrins dende 1813 dica 1814. O Congreso de Viena confirmó a sobinaría austriaca sobre as anteriors provincias ilirianas y, con part d'o suyo territorio, se creyó adintro de l'Imperio Austriaco un "Reino d'Iliria" que no fue formalment aboliu dica 1849.
O periodo d'existencia d'as provincias ilirianas contribuyó a la formación d'o ilirismo y a eslavofilia entre os croatas y eslovenos.[2]
- ↑ (fr) Dennis P. Hupchick, Harold E. Cox: Les Balkans. Atlas historique. Ed Economica, 2008. p 56.
- ↑ (es) Francesc Bonamusa: Pueblos y naciones en los Balcanes. Siglos XIX y XX. Akal 2010, p 82.