Tano

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Os tanos^[1][2] son os puntos d'o tronco d'as plantas superiors lenyosas que forman un bonyo u irregularidat palpable, consecuencia d'una ferida recibida, perda d'una rama, infección, ataque parasitario u bella malformación de o propio vechetal. A sobén os tanos coinciden con os puestos en os que i ha, u i ha habiu enantes, un nyudo.

Consecuencia d'ixa alteración histolochica, a madera que se quita d'un eixemplar con tanos presenta tamién tacas u alteracions pigmentarias que pueden millorar o apeyorar as caracteristicas d'o material. As ditas tacas tamién reciben o nombre popular de tanos. Una madera u tallo con muitos tanos diz que ye tanudo/a.

1. ↑ (es) Gerónimo Borao y Clemente: Diccionario de voces aragonesas, precedido de una introducción filológico-histórica, 1859, ISBN 84-9761-673-1, p.316
2. ↑ (es) Ricardo Mur Saura Diccionario panicuto, con apéndice gramatical y recoplilación de textos, Alto Galligo, 2014, ISBN 978-84-934262-8-6, p.40