Tellau

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O tellau^[1] (en as parlas con mas tendencia a conservar as consonants xordas entre vocals tellato)(d'o latín < TEGULATUM)^[2] ye a superficie superior de muitos edificios, de regular con bel tipo d'inclinación, pensada y feita ta evacuar as precipitacions y privar que a humedat i penetre ta l'interior.

Seguntes a organización de l'edificio, os tellaus tienen una u mas versants u baixants. L'anglo a on que converchen dos baixants, en aragonés, se diz auguabatient u auguarrompient y a biga que lo socalza cuminera. Os costalers u quiebros son biguetas más finas que forman o costellar d'o caballet. O verbo que describe l'acción de meter-le o tellau a una construcción ye «cubillar».

Tellaus, se'n puede trobar feitos de materials diversos, anque os más comuns en Aragón son os de tellas y en cualques zonas de l'Alto Aragón os tradicionals son de lenastro. Belatros materials como a madera y a palla/feno s'han emplegau ta cubillar os edificios secundarios, como bordas, cabanas u estallos. En muitos puestos os tellaus tradicionals mas pesants s'han substituiu por materials leveros sinteticos, como as tolas de fibrocemento.

1. ↑ (an) Silbia Garcés Lardiés,Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.48
2. ↑ (es) Rosa María Castañer Martín:Estudio del léxico de la casa en Aragón, Navarra y Rioja, Gubierno d'Aragón, 1990, ISBN 84-7753-146-3, p.67